“Ka një histori të veçantë” Topalli prek me fjalët për Nishanin, kujton takimin me të para shumë vitesh

Ish-kryeparlamentarja Jozefina Topalli ka shprehur ngushëllmet për ndarjen nga jeta të ish-presidentit Bujar Nishani, në moshën 55-vjeçare.

Ajo shprehet se Nishani ka një histori të veçantë njerëzore dhe politike, dhe kthehet pas në kohë duke kujtuar edhe një takim me të shumë vite më parë.

Topalli shprehet se është takuar me Nishanin, para se ai të bënte një operacion të vështirë dhe ku askush nuk e dinte si do të shkonte.

MESAZHI I PLOTE

Lamtumire President Nishani!

Bujar Nishani ka nje histori te vecante njerezore dhe politike. Pak njerez ne politike kane patur aq poste te rendesishme dhe te kene dalur nga to me respekt e dinjitet.
Edhe ne jeten personale ka kaluar sfida jo te vogla duke u perballur me jeten.
Kujtoj ,shume vite me pare, kur u takuam para se te bente nje operacion te veshtire. Askush nuk e dinte si do shkonte. Operacioni ishte teper delikat, por ai edhe ne ate situate fliste me qetesi dhe vetekontroll.
Shpresova se do ia dilte edhe kesaj here.
Me pikellim te madh shpreh ngushellimet me te thella per Odeten, femijet e familjen e tij me te gjere,per miqte dhe bashkepunetoret e tij!
Bujar Nishani i ka bere nder familjes, vendit dhe Partise Demokratike!
Pushofsh ne paqe mik!