Jo vetëm ai i Lanës, një tjetër autobuz aksidentohet në Tiranë (FOTO)

Pas atij në Lanë disa ditë më parë, një tjetër aksident me autobuzët urbanë ka ndodhur sot në Tiranë.

Mësohet se ngjarja u shënua në bulevardin “Zogu I” , kur autobuzi i linjës së Tiranës së Re është përplasur me vendqendrimin e stacionit.

Fatmirësisht nga aksidenti nuk ka persona të lënduar.

NJOFTIMI ZYRTAR I POLICISE

Më datë 02.05.2022, rreth orës 13:00, në bulevardin “Zogu I”, shtetasi D. Sh., duke drejtuar autobusin e linjës së Tiranës së Re, dyshohet se është përplasur me mbulesën e vendqëndrimit të stacionit të autobusit.

Si pasojë ka vetëm dëme materiale. Grupi hetimor ndodhet në vendngjarje dhe po punon për sqarimin e rrethanave të aksidentit.