Janë të pabanueshëm/ Del lista e 9 pallateve në Tiranë që pritet të shemben

Bashkia e Tiranës ka shpallur tenderin për shembjen e 9 pallateve.

Godinat janë të pabanueshme si pasojë e tërmetit të 26 nëntorit të vitit 2019.

Tenderi ka një vlerë prej 38 milionë lekësh dhe parashikon shembjen e njësive të banimit dhe transportimin e materialeve të dala.

Pallatet që do të shemben janë shpallur si të pabanueshme dhe është marrë vendim nga Këshilli Bashkiak për shembjen e tyre.

Objektet që do t’i nënshtrohen prishjes së detyruar janë pallate të cilat janë të ndërtuara kryesisht para viteve ‘90 dhe ndodhen në Njësinë Administrative Nr. 4, Nr. 6 dhe Krrabë në territorin që administron Bashkia Tiranë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Pallatet që do të shemben:

Pallati 7(136), rruga “Fabrika e Qelqit”, Njësia Administrative Nr. 6

Pallati 97, rruga “Llazi Miho”, Njësia Administrative Nr. 6

Pallati 29 rruga “Haki Stërmilli”, Njësia Administrative Nr. 6

Pallati 21, rruga “Petraq Leka”, Njësia Administrative Nr. 6

Pallati 1, rruga “Shaban Hysa”, Njësia Administrative Nr. 6

Pallati 12, rruga “Zall” Njësia Administrative Krrabë

Pallati 8, rruga “Zall”, Njësia Administrative Krrabë

Pallati 6 rruga “Vangjel Capo”, Njësia Administrative Nr. 4

Pallati 83/1 rruga “Myslym Keta”, Njësia Administrative Nr. 4.