“Jam jashtëzakonisht i shqetësuar” GJKKO i sekuestroi pasuritë, reagon deputeti i PD

Gjykata e Posaçme kundër Korrupsionit dhe Krimit të Organizuar, me kërkesë të SPAK, vendosi konfiskimin e pasurive të paluajtshme të deputetit demokrat, Kasëm Mahmutaj.

Lidhur me këtë vendim të publikuar ditën e sotme, ka reaguar deputeti Mahmutaj, i cili për “5 pyetjet.al”shprehet se kishte apeluar vendimin dhe ishte në pritje të procesit gjyqësor.

Ai tha se ky vendim kishte prapavijë politike dhe se pasuritë i kishte ndërtuar me mund.

“Procesi vazhdon. Asgjë nuk është mbyllur. Vendimi është i shkallës së parë, jemi në Apel. Ne i kemi të gjitha në rregull. Po vazhdon procesi gjyqësor për paraqitjen e bilanceve dhe të ardhurave. Pra nuk është mbyllur asgjë.

Jam ndjerë keq që kur ka filluar kjo procedurë. Jam jashtëzakonisht i shqetësuar. Ç’lidhje kam unë me vëllanë? Unë i kam krijuar nga puna ime, sakrifica ime, ime shoqe, familja komplet. Shpresoj mos të ketë prapavijë politike”, tha Mahmutaj.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern