LIGJET E BIZNESIT
Në kulmin e luftës me Rusinë, ministri i Francës për Çështjet Evropiane i ka prerë shpresat Ukrainës.
Ai deklaroi se për tu bashkuar me grupin e Bashkimit Europian, do të duhen 15 ose 20 vjet.
Duke folur në Radio J në Paris, Clement Beaune tha: “Duhet të jemi të sinqertë. Nëse thoni se Ukraina do të bashkohet me BE-në pas gjashtë muajsh, ose një ose dy vitesh, ju gënjeni.
“Kjo është ndoshta pas 15 ose 20 vjetësh, do shumë kohë.”
Komentet e tij hodhën ujë të ftohtë mbi shpresat e Volodymyr Zelensky për hyrje të përshpejtuar në bllok në vazhdën e pushtimit të Rusisë, shkruan BBC.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Beaune përsëriti ofertën e presidentit francez Emmanuel Macron për të krijuar një “komunitet politik evropian” më të lirë që mund të ndihmojë në integrimin e Ukrainës më shpejt, duke shtuar: “Unë nuk dua t’u ofroj ukrainasve asnjë iluzion apo gënjeshtër”.
Zelensky ka hedhur poshtë ato që ai i quajti “kompromise të tilla” dhe këmbënguli për një fillim të menjëhershëm të procesit drejt anëtarësimit të plotë në BE.
Beaune tha se propozimi i Macron nuk është “një alternativë ndaj bashkimit me komunitetin politik evropian”, duke theksuar: “Nuk e pengon anëtarësimin më vonë”.
Aspiratat e Ukrainës për t’u bashkuar me BE-në dhe NATO-n shihen si arsyeja kryesore që presidenti rus Vladimir Putin filloi pushtimin e tij.
Nisma e komunitetit politik evropian të Macron do të debatohet në një samit të BE-së në qershor.
