Ministrja e Shtetit për Mbrojtjen e Sipëmarrjes Edona Bilali ka folur për takimin e parë me kryeministrin Edi Rama, raportin me familjen dhe bashkëshortin.
E ftuar në programin “FitStation”, ajo zbuloi se gjithçka ishte e paparashikuar pasi duke ardhur nga rradhët e biznesit, nuk kishte ambicie politike.
“Pjesë të politikës më bëri takimi me kryeministrin Rama, një takim i paparashikuar. Nuk kam pasur ambicie politike, vij nga radhët e biznesit. Në takimin me kryeministrin ishte surprizë e gjithë situata, hyra me pritshmëri shumë të ulëta, por patëm dhe gjatë takimit diskutimet tona, pasi unë kisha rezerva që mund të ishte bërë diçka më mirë, gjithmonë për Shkodrën”- u shpreh ministrja Bilali.
Në këtë intervistë ajo foli dhe për bashkëshortin duke zbuluar më shumë detaje për jetën personale.
” Jam e martuar dhe e dashuruar. Bashkëshorti nuk ka lidhje me politikën as me jetën publike. Ai është mbështetja ime më e madhe dhe njëkohësisht kritiku më i madh”- tregoi Edona Bilali.
