“Fitorja me armikun nuk është larg” Ukraina e para në Eurovizion, reagon presidenti Zelensky

Pas fitores së Ukrainës në Eurovision 2022, ka reaguar presidenti Volodymyr Zelensky.

Ai tha se vitin tjetër do të bëjë gjithçka që festivali të mbahet në Ukrainë.

Zelensky falenderoi grupin Kalush Orchestra për performancën e këngës “Stefania” që çoi fitoren në Kiev dhe të gjithë ata që votuan për Ukrainën.

“Jam i sigurt që korda jonë fitimtare në betejën me armikun nuk është larg”, deklaroi ai, raporton CNN.

Fituesi i këtij kompeticioni pret finalen e vitit të ardhshëm, por me luftimet e ashpra që vazhdojnë ende në Ukrainë është e paqartë se ku do mbahet festivali në vitin 2023.