Era e rëndë alarmon banorët/ Gjendet një trup i pajetë në Fier, policia e identifikon

Një trup i dekompozuar është gjetur këtë të enjte në Fier.

Sipas informacioneve trupi ka shenjë varjeje, ndërsa personi ishte shpallur i humbur një muaj më parë. Personi është Julian Prifti i datëlindjes së vitit 1980.

Dyshohet se trupi është i dekompozuar dhe mund të ketë dy ose tre javë më shumë në këtë vend. Sipas informacioneve paraprake trupi rezulton të kishte shenja në qafe.

Ka qenë era e rëndë e cila ka alarmuar banorët dhe punonjësit të cilët kanë qenë duke punuar për riparimin e një rrugë.

Njoftimi i policisë:

Sot rreth orës 16:50, në lagjen “16 Prilli” , Fier, në një godinë të rrënuar, është gjetur i dekompozuar, trupi i pajetë i shtetasit J. P., 42 vjeç, banues në Fier, i cili është larguar nga banesa më datë 26.03.2022.

Nga kqyrja paraprake, nuk janë konstatuar shenja dhune.

Grupi hetimor po vijon punën për zbardhjen e rrethanave të ngjarjes.