Zbulohet identiteti i viktimës në Durrës. Ka mbetur i vrarë me armë zjarri shtetasi Arben Mërkuri, 48 vjeç
Mësohet se Mërkuri është qëlluar me dy plumba nga persona ende të paidentifikuar në qendër të Sukthit dhe ka ndërruar jetë në vend. Policia ka rrethuar vendin e ngjarjes dhe ka nisur hetimet. Disa postblloqe janë ngritur për kapjen e autorëve.
Durrës/Informacion paraprak
Në qendër të Sukthit, një shtetas ende i paidentifikuar ka qëlluar me armë zjarri automatik, në drejtim të dyqanit të shtetasit A. M.(I.), 48 vjeç.
Për pasojë shtetasi A. M.(I.) u plagos në gjendje të rëndë dhe si pasojë e plagëve të marra ndërroi jetë në spital.
Shërbimet e Policisë kanë rrethuar zonën dhe vijon krehja e saj, për te bërë të mundur kapjen e autorit.
Grupi hetimor, nën drejtimin e Prokurorisë, ndodhet në vendngjarje dhe po punon për fiksimin e çdo prove të vlefshme që do t’i shërbejë hetimit, me qëllim identifikimin dhe kapjen e autorit.
