LIGJET E BIZNESIT
Gjykata e Apelit në Gjirokastër ka dhënë sot vendimin ndaj të akuzuarve Et’hem dhe Dino Muho.
Ata u shpallën përfundimisht fajtorë për vrasjen e Alket Muhos, ngjarje kjo e ndodhur më 6 shtator të 2018 në fshatin Rabije, Bashkia Memaliaj.
Seanca e sotme gjyqësore ka filluar me tensione pasi familjaret e dy te akuzuarve kane kërkuar rënien e akuzave për vrasje nga ana e prokurorit te çështjes Julijan Çafka i cili ishte ai qe apeloi vendimin e dates 26 tetor te 2021 te dhene nga shkalla e pare e gjyqesorit ne Gjirokaster.
Ky vendim i dhënë nuk përcaktonte armën e vrasjes së kryer ndërkohë që dënonte me 20 vjet burg Et’hem Muhon dhe me 17 vjet burg Dino Muhon. Gjyqtari i Gjykatës se Apelit Gjirokastër Sokol Pina me gjyqtaren tjeter ndihmëse Margarita Buhali mbi bazën e ankimit të prokrorit të çështjes Julijan Çafka ndryshoi vendimin e dhene nga Gjykata e Faktit ne Gjirokastër dhe vendosi për masën e denimit ku Dino Muho u deklarua fajtor edhe për armëmbajtje pa leje ndërkohe që në shkallën e parë arma nuk doli në vendim.
Në bashkim të dënimeve Dino Muho u dënua nga 17 që ishte dënuar nga Gjykata e Faktit me 19 vjet burg. Ndërsa i ati i tij Et’hem Muho nga 19 vjet të dhënë nga Gjykata e Faktit në 22 vite burg. Ky vendim u ekzekutua në sallën e gjyqit menjëherë duke thirrur policinë e cila u vendosi prangat dy të dënuarve për vrasje me paramendim.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Në vendimin e përmbledhur dhënë para pak nga Apeli i Gjirokastrës u provua dhe vertetua përtej çdo dyshimi të arsyeshëm se Et’hem dhe Dino Muho janë autorë të vrasjes me paramendim të Alket Muhos në datë 6 shtator të 2018 në fshatin Rabije të Memaliajt. Gjatë kesaj periudhe dy të dënuarit qendronin në arrest shtëpie për shkak të shkeljes së afateve të ankimimit të vendimit për masën e arrestit.
