Policia italiane ka vënë në pranga sot një 27-vjeçar shqiptar.
Ai akuzohet për posedim të lëndëve narkotike, pasi u kap në flagrancë me 10 gramë kokainë.
Sipas mediave vendase, i riu u ndalua për një kontroll rutinë dhe ka shfaqur menjëherë nervozizëm edhe pse ishte me dokumente të rregullta. Kjo ka shtyrë oficerët e policisë që të ushtronin kontrollin e makinës së tij ku në xhepat e saj ju gjendën dozat e kokainës të gatshme për t’u shitur.
Në përfundim të formaliteteve shqiptari u vu në pranga dhe u dërgua në paraburgim ku pritet të dalë para drejtësisë.
