E rëndë në Tiranë/ Mbyten në liqenin e Prushit dy të mitur 11 dhe 13 vjeç

Një ngjarje e përmasave tragjike ka ndodhur sot pasdite në Tiranë.

Mësohet se dy të mitur janë mbytur në liqenin e Prushit.

Policia njofton se viktimat janë të moshave 11 dhe 13 vjeç, ndërsa polumbarët e RENEA-s janë nisur drejt vendngjarjes për të bërë të mundur gjetjen e trupave të tyre.

Nga informacionet parapake është mësuar se një grup fëmijësh kanë qenë duke u larë në liqen, teksa 4 prej tyre kanë mundur të dalin nga uji, ndërsa 2 të miturit jo.

NJOFTIMI ZYRTAR I POLICISE

Sot, rreth orës 18:05, në liqenin e Prushit, janë mbytur dy të mitur të moshës 11 dhe 13 vjeç.

Me marrjen e njoftimit, shërbimet e Policisë kanë shkuar mënjeherë në vendngjarje dhe kanë nisur kërkimet.

Njëkohësisht drejt vendngjarjes janë nisur edhe polumbarët e Reneas, për të bërë të mundur gjetjen e trupave të dy të miturve.

Grupi hetimor po punon për zbardhjen e plotë të rrethanave të ngjarjes.