“Dua të ruhem nga babai” E kapën në krevat me të dashurin, 20-vjeçarja vijon rrëfimin: Me burrin fola në telefon, më mallkoi

Historia e nuses 20-vjeçares nga Librazhdi e cila u kap nga vjehrrërit në krevat me të dashurin teksa burrin e ka emigrant në Gjermani, është bërë virale.

Ndërkohë e reja ka rrëfyer në programin “Me zemër të hapur” të tjera detaje pas momentit kur familjarët mësuan tradhëtinë.

Ajo ka thënë se prindërit e kanë pritur keq, e të dyve i kanë rënë të fikët në momentin kur kanë mësuar ngjarjen. Vajza rrëfen edhe bisedën që ka pasur me të shoqin, për të cilin thotë se e ka sharë dhe mallkuar.

“Prindërit kanë reaguar keq, i ranë të fikët. Ata s’e prisnin. Babi është shumë keq, mami duket sikur po e kalon, por babi nuk mundet. Kam folur me bashkëshortin. Vetëm më ka mallkuar”, tha vajza.

Ajo ka treguar më tej se ka marrë urdhër mbrojtjeje nga i ati pasi ka frikë nga reagimi i tij.

“Jam pajisur me urdhër mbrojtjeje. Dua të ruhem nga babai. Nuk e di se nga më vjen rreziku. Kam frikë. Unë me babin nuk flas dot”, përfundon vajza.