“Do depozitoj dosje në prokurori” Rama i bëri thirrje SPAK për të hetuar Metën, ja si përgjigjet presidenti

Presidenti Ilir Meta i është përgjigjur kryeministrit Edi Rama, i cili kërkoi hetimin nga SPAK të Kreut të Shtetit.

Në konferencën për shtyp, Meta u shpreh se ka qenë gjithnjë i hapur për tu përballur me drejtësinë.

“Thotë ai: hetoni Ilir Metën. Shumë mirë bën që e bën këtë gjë. Madje ti çojë dhe pyetjet bashkë me Agaçin siç e bëri me disa gjykatës së Kushtetueses. Ilir Meta ka armët më të forta që është e vërteta dhe transparenca. E keni parë ndonjëherë Metën ti shmanget drejtësisë? Kurrë. Gjithmonë kam dhënë shembullin për tu ballafaquar në mënyrë të hapur dhe drejtpërdrejtë”, tha Meta.

Kreu i shtetit paralajmëroi kallëzime në Prokurorinë e Posaçme pas lënies së detyrës si President.

“Pas 24 korrikut është e sigurt se Meta do shkojë te SPAK-u jo me deklarata politike, por me fakte dhe prova për të gjithë mullarët e korrupsionit që shtohen çdo ditë”, tha ai.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern