Gjatë seancës parlamentare, ish-kreu i qeverisë Sali Berisha ka replikuar me ministrin e Drejtësisë Ulsi Manja.
Berisha iu drejtua Manjës, duke e pyetur se çfarë e shtyn të bëhet bodyguard i Edi Ramës, ndërsa i kërkoi të hapë zemrën dhe të tregojë publikisht arsyen.
Replikat:
Ulsi Manja: Nuk kam replikë të veçantë, por kur e dëgjon zotin Berisha që flet me patos për barazinë gjinore të mbushet mendja se ke përpara kalorësin e barazisë gjinore në lopë. Berisha është kujtuar vonë për të folur për barazinë gjinore, sepse pasi shkatërroi në qeverinë e vet të parën, të saliu i parë, se ky është saliu i tretë, pasi i vuri dermën kopshteve dhe shkollave, prodhoi gjithë ato tragjedi, që i kanë paguar me kosto të madhe shqiptarët, tani kujtohet dhe flet si kalorës i barazisë gjinore. Edhe gjuha që përdore sot është dhunë mbi gratë dhe vajzat shqiptare. Një gjuhë e ashpër dhe viktimizuese dhe që nuk ka lidhje me cështjet e barazisë gjinore. Të katën tani në këtë moshë që je e vetmja gje e mirë që je, mesazhi i mirë që mund të përcosh është të heshtësh, sepse sa herë del këtu, është njësoj sikur autori del te vendi i krimit.
Sali Berisha: Me një pyetje të vetme, çtë shtyn o Ulsi të bëhesh bodyguard i Edi Ramës këtë javë, unë e di, po hapja zemrën kolektivit”
Ulsi Manja: “Sali, Edi Rama është në mandatin e tretë të qeverisjes së votojnë mbi 800 mijë shqiptarë/ Krenar që jam shërbëtor në qeverinë Rama 3 dhe i shqiptarëve, jam krenar që jam pjesë e kësaj qeverie.”
