“Bëjini një trajtim, mos të duket kështu” Ramës i tërheq vëmendjen detaji në QSUT

Kryeministri Edi Rama së bashku me ministren e Shëndetësisë Ogerta Manastirliu inspektuan sot punimet që po shvillohen në Spitalin Infektiv të QSUT.

Rama deklaroi se po investohet për rehabilitimin dhe zgjerimin me kushtet e standartet më të mira të infrastrukturës.

Por teksa Manastirliu po shpjegonte punimet, Ramës i bëri përshtypje një mur.

Sipas tij, i prish imazhin këtyre investimeve që po bëhen.

“Bëjini një gjë këtyre mureve, një trajtim sepse po bëhet gjithë ky investim”, tha Rama.