Një ngjarje e rëndë është shënuar në një hotel të Hong Kongut. Aktori i dashur për publikun, Kenneth Tsang, që luajti në një prej filmave për James Bondin, ka ndërruar jetë në moshën 86-vjeçare.
Aktori ishte i vaksinuar me të treja dozat e vaksinave, ndërsa është gjetur i pajetë ditën e mërkurë në një dhomë të hotelit Kowloon të Hong Kongut, ku ndodhej në karantinë.
Aktori është gjetur pa shenja jete nga stafi i hotelit. Tsang, u gjet i shtrirë në dysheme në afërsi të shtratit.
Sakaq, pritet autopsia për të përcaktuar shkakun e vdekjes së tij. Tsang u karantinua në hotel si pasagjer, pasi kishte shkuar jashtë vendit, megjithëse kishte rezultuar negativ në testin për virusin, teksa nuk vuante nga ndonjë sëmundje serioze.
