Deputeti i Partisë Demokratike, Tritan Shehu ka komentuar ditën e sotme zhvillimet në PD. Ai është shprehur se Kuvendi i 30 prillit ka një rëndësi të veçantë lidhur me konsolidimin e Partisë Demokratike, që sipas deputetit do të kompletohet me zgjedhjen e kryetarit të partisë.
Shehu shprehet se Shqipëria ka vetëm një PD e cila u forcua edhe më shumë në Kuvendin e 30 prillit.
“Në Kuvend kishte një numër të madh deputetësh, disa të tjerë nuk morën pjesë, por nuk është e vërtetë se ata ju kundër vunë atij e procesit. Janë rreth 4-5 prej tyre, Alibeaj, Bardhi, Tabaku, që qëndrojnë të ngurtësuar larg, për arsye jo principiale. Por ky është një proces në vazhdim, jemi në një tren që ecën me dyer të hapura, që nuk ndalon.”, shkruan Shehu.
Më tej Shehu thekson se Alibeaj humbi mundësinë e tij për të qenë bashkues dhe se mosqenia e tij kryetar grupi nuk do të thotë përçarje për PD-në.
Reagimi i plotë:
Kuvendi i 30 Prillit ka rëndësi të veçantë në procesin e formatimit e konsolidimit të PD, gjë që do të kompletohet me zgjedhjen e Kryetarit të partisë.
Shqipëria ka vetëm një PD, atë qe u forcua më tej në Kuvendin e 30 Prillit.
U krye kështu një hap i rëndesishëm edhe përbashkues, proces ky që vazhdon e do të vazhdojë pa ndërprerje.
Uroj KK të dalë, por theksoj se edhe ata që nuk kaluan pragun janë shumë të vlefshëm dhe pjesë e rëndësishme në PD.
Procesi që prej dhjetorit është një proces transparent, gjithë përfshirës.
Në Kuvend kishte një numër të madh deputetësh, disa të tjerë nuk morën pjesë, por nuk është e vërtetë se ata ju kundër vunë atij e procesit.
Janë reth 4-5 prej tyre, Alibeaj, Bardhi, Tabaku, që qëndrojnë të ngurtësuar larg, për aresye jo principiale.
Por ky është një proces në vazhdim, jemi në një « tren » që ecën me «dyer të hapura», që nuk ndalon.
Ndërsa mos qenia e Z. Alibeaj si Kryetar grupi nuk do të thotë përçarje te PD, përkundrazi.
Z.Alibeaj e humbi shansin e tij për të qenë bashkues.
Dokumenti i parë që firmosi ai si Kryetar i grupit është ajo paçavure përjashtimesh e pezullimesh, që Z.Rushaj nuk pranoi ta firmoste e dha dorëheqjen.
Mos harrojmë se ai nuk ka kërkuar kurrë ndjesë për atë, përkundrazi i ka thelluar qëndrimet përçarëse.
Grupi Parlamentar është një strukturë e PD, shume e rëndësishme me deputetët e nderuar në atë, por vendimet politike, strategjike etj, i marrin organet drejtuese të PD.
Parimi universal për cdo deputet është të dialogoje me elektoratin e tij, por me tej ta ndjeke atë, ndryshe bën “divorcin” me bazën, nuk merr me votat e saj.
Deputetet janë antare te KK, ne te gjithe te zgjedhurit prej 25 Prillit nen siglen e PD jemi bashke pjese e Grupit Parlamentar, kjo eshte e pa diskutueshme, askush nuk mund ta vere ne dyshim kete.
PD jane masa e njerezve te saj, idete e saj, gje qe tashme eshte e qarte ku qendrojne.
Kjo mase e madhe zgjedh drejtuesit-kjo eshte demokracia.
Dhe pikerisht per te respektuar diversitetin e nevojshem, ne kemi vendosur fraksionet ne parti.
Shumica e dale nga vota merr vendimet politike e strategjike, pakicat respektohen e luajne nje rol te rendesishem.
Ne duhet te perfundojme organizimin e PD para veres, qe me tej t’i pervishemi pregatitjes per zgjedhjet lokale, duke u bashkuar te gjithe e u zgjeruar edhe me te tjere
Prandaj nuk kemi kohe e mundesi te ndalojme „trenin“, qe ecen me dyer te hapura.
PD ka ditur e mund te bashkohet, edhe kur eshte ndare.
Berisha di e mund te bashkoje.
Ketu flas dhe per bashkepunimin me te gjtha forcat e tjera ne vend, europeiste e pro perendimore, qe duan te luftojne per permbysjen e ketij rregjimi.
Une personalisht mbeshtes Berishen per Kryetar te PD, si te vetmin midis nesh, qe mund te realizoje keto objektiva.
Por secili eshte i lire te vendose kandidaturen, edhe Basha edhe Alibeaj….
Me tej, si ne cdo demokraci, do te vendosi vota e antaresise me 22 Maj.
