A do të kandidojë për kryetar të PD? Ja çfarë thotë Sali Berisha

Ish-kryeministri Sali Berisha tha se do të kandidojë për zgjedhjet e 22 majit për postin e kreut të Partisë Demokratike.

Ai u shpreh se do të respektojë procedurat dhe afatet e përcaktuara nga Komisioni.

“Deputetët janë anëtarë të Këshillit Kombëtar. Çdo votë e anëtarëve të Këshillit Kombëtar për Nënkryetarët, Sekretarët apo Kryesinë do të tregohet para kamerave”, tha Berisha.

Ish-Kryeministri tha se mungesa e deputetëve në Kuvendin e PD ishte një vendim i tyre, jo i instancave të Partisë Demokratike.

“Mos harroni se në proceset zgjedhore në PD kanë marrë pjesë mbi 40 mijë anëtarë të PD dhe ata bëjnë shumicën dërrmuese për një forcë politike. Ndaj vendi i deputetëve është te shumica, por secili bën zgjedhjet e veta dhe deputetët do bëjnë zgjedhjet e tyre”, tha Berisha.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Në këtë kuadër, ish-Kryeministri u shpreh se kishte besim se deputetët do ti bashkoheshin shumicës dërrmuese, pavarësisht qëndrimeve që mund të mbahen nga 2 apo 3 deputetë.

I pyetur lidhur me garën për kreun e PD, Berisha tha se nuk ka ndërmend të shpikë apo sajojë rivalë. “Unë rivalin e respektoj. Gjithkush mund të hyjë në garë. Garën unë e kam me anëtarët e PD dhe jo me rivalët”, tha Berisha.

Lidhur me vizitat dhe takimet e Enkelejd Alibeajt me zyrtarë të DASH, Berisha tha se po të kthehemi pas në kohë mund të kujtojmë se “në dhjetor 2021, z. Escobar erdhi në Shqipëri dhe takoi Lulzim Bashën dhe persona të tjerë, madje caktoi edhe një vizitë në Uashington. Por të jeni të bindur se e majta shqiptare, e majta në SHBA apo në të gjithë Botën, nuk mund të caktojë drejtimin e Partisë Demokratike. Loja me kukulla ka marrë fund”.