LIGJET E BIZNESIT
Një rast i rëndë i dhunës në familje është raportuar një ditë më parë rreth orës 18:00 në rrugën ‘Hysni Ramaj’ në Pejë.
Një 69-vjeçare është detyruar që të kërkojë ndihmën e Policisë së Kosovës, për shkak të dhunës fizike që përjetoi nga bashkëshorti i saj 73-vjeçar. Ajo ka deklaruar se bashkëshorti e kishte rrahur atë me shkop e më pas dhunën e vazhdoi duke e kapur për flokësh e duke e ofenduar me fjalë të rënda, me ç’rast përpos dhunës fizike, viktima përjetoi edhe dhunë psikike.
Sapo viktima denoncoi rastin në Polici, që të dy u shoqëruan në Stacion Policor për të dhënë deklaratat lidhur me gjithë atë që ndodhi.
69-vjeçarja ka refuzuar që të marrë trajtim mjekësor, duke thënë se është në gjendje të mirë, teksa ka kërkuar që të kthehet në shtëpi, pasi që sipas saj, nuk ndihet e rrezikuar të vazhdojë bashkëjetesën me të dyshuarin.
Ndaj 73-vjeçarit, që Policia i gjeti edhe një armë gjuetie të cilën ia sekuestroi për shkaqe sigurie, prokurori ka urdhëruar të caktohet masa e ndalimit në kohëzgjatje prej 48 orësh dhe ndaj tij iniciohet rast ‘Dhunë në familje’.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
