21-vjeçari u iku nga duart, e pësojnë keq 4 policët korçarë

Gjatë ditës së djeshme, në Gjykatën e Korçës, arriti të arratisej nga duart e policisë një i ri i akuzuar për vjedhje. Kristian Medolli, 21 vjeç i cili do të përballej me trupën gjykuese, arriti t’ia mbathte nga ambientet e Gjykatës dhe kjo në sy të 4 punonjësve të Komisariatit të Policisë Korçë.

I riu u kap i fshehur në shkurre, ndërsa tashmë ka nisur hetimi për policët të cilët u treguan të paaftë. Bëhet e ditur se policia ka nisur hetimet ndaj inspektor G. S., me detyrë Përgjegjës i zonave të sigurisë në Komisariatin e Policisë Korçë, inspektor F. S., me detyrë Trupë shërbimi i patrullës së përgjithshme, në Komisariatin e Policisë Korçë, inspektor E. S., me detyrë Trupë shërbimi i Patrullës së Përgjithshme, komisar M. J., me detyrë Shef i Seksionit të Rendit në Komisariatin e Policisë Korçë. Hetimet kanë nisur pasi këto të fundit dyshohet për kryerjen e veprës penale “Shpërdorimi i detyrës”.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern