VIDEO/ Helmimi masiv tetorin e kaluar, banorët e Krujës konsumojnë prej muajsh ujë të blerë në markete

Një pjesë e madhe e banorëve në qytetin e Krujës nuk pijnë ujin në çezmat e tyre. Uji i pijshëm duket se është bërë shumë i frikshëm për disa qytetarë. Përmendim se në muajin tetor të vitit të kaluar uji në çezmat krutane rezultoi i ndotur, disa banorë që konsumuan nga uji i ndotur janë infektuar dhe u krijua një situatë problematike.

Pas afro dy javësh spitali i Krujës ishte i tejmbushur nga të prekurit me infeksionin e ujit të ndotur, teksa nisi pastrimi i depozitave të ujit në qytet.
Që prej asaj kohe, banorët e Krujës janë furnizuar me ujë mirëpo Bashkia ende nuk e ka konfirmuar zyrtarisht konsumin dhe ata detyrohen që ta blejnë ujin në markete.