Ulen ndjeshëm temperaturat, moti sot, e hënë 18 prill 2022

Vendi ynë parashikohet që të jetë me alternime kthjellimesh dhe vranësirash të shpeshta përgjatë ditës. Por herë pas here pritet që vranësirat të pësojnë zhvillime, duke krijuar kështu mundësi për reshje të pakta dhe të izoluara shiu në zonat Veriore dhe pjesërisht ato Lindore. Sakaq, pjesa tjetër e territorit do të jetë pa reshje.

Temperaturat e ajrit do të vijojnë të ulen ndjeshëm në mëngjes, mirëpo do të rriten lehtë në mesditës duke luhatur vlerat ditore nga 3°C deri në 17°C.

Era do fryjë e lehtë në tokë dhe mesatare në det me shpejtësi 40 km/h nga drejtimi Verior – Verilindor duke sjellë në brigjet detare dallgëzim 3 ballë.