Alberto Zangrillo, kreu i Anestezisë dhe Kujdesit Intensiv të spitalit San Raffaele në Milano, ka mohuar lajmin se menaxheri i njohur i futbollist Mino Raiola i cili ndodhet i shtruar aty, është ndarë nga jeta.
Ai shprehet se është i indinjuar nga telefonatat e pseudo-gazetarëve që spekulojnë për jetën e një njeriut që po lufton.
“Corriere Dello Sport” raporton se kushtet e agjentit, një nga më të pasurit dhe më të famshmit në botë, janë “shumë të rënda”. Raiola është agjent i shumë kampionëve si Ibrahimovic, Pogba, Haaland, Balotelli, De Ligt, Donnarumma, Verratti dhe në të kaluarën edhe i Hamsik, Insigne, Nedved e të tjerë. Gjatë muajit janar, u raportua për shtrimin e tij urgjent në spitalin San Raffaele në Milano, që u mohua më vonë nga vetë Raiola.
Vdekja e Raiolës mohohet edhe përmes një postimi në Twitter në llogarinë e agjentit: Gjendja aktuale shëndetësore për ata që pyesin: i inatosur që për herë të dytë në 4 muaj më vrasin. Dukem gjithashtu në gjendje për tu ringjallur.
