Tragjedi në Mirditë/ Mbytet 10-vjeçari, policia ndërpret kërkimet për shkak të errësirës

Një ngjarje tragjike ka ndodhur sonte në fshatin Shtrungaj të Mirditës, ku një fëmijë 10-vjeçar i cili ka qenë duke luajtur, ka rrëshqitur dhe ka rënë në lumë, duke e marrë rrjedha përpara.

Menjëherë në vendin e ngjarjes kanë mbërritur policia dhe polumbarët e RENEA-s të cilët kanë nisur kërkimin e trupit por pa rezultat.  Polumbarët kanë ndërprerë kërkimet si pasojë e errësirës, dhe do t’i rinisin ato në orët e para të mëngjesit.

Njoftimi i policisë:

Sot, rreth orës 18:45, në fshatin Shtrungaj, Fan, Mirditë, në lumin Fan, është mbytur një i mitur 10-vjeçar, banues në Fan, Mirditë.

Me marrjen e njoftimit, shërbimet e Policisë kanë shkuar  menjëherë në vendngjarje dhe sëbashku me banorët kanë nisur kërkimet.

Në gatishmëri janë vënë edhe palombarët e RNEA-s, të cilët kanë shkuar në drejtim të vendngjarjes,  po për shkak të errësirës kërkimet për gjetjen e trupit të 10-vjeçarit, do fillojnë në porët e para të mëngjesit

Grupi hetimor po punon për zbardhjen e plotë të ngjarjes.