Të shtëna me a rmë zjarri në Kukës, plagoset një person (EMRI)

Një plagosje me armë zjarri ka ndodhur në Kukës.

Mësohet se Buli Murtati ka qëlluar në drejtim të Festim Axhamit.

I plagosuri është në spital, jashtë rrezikut për jetën.

Policia ndodhet në vendngjarje, ku po punon për zbardhjen e dinamikës.

Dyshohet se plagosja ka ardhur për shkaqe pronësie.

Autori është arrestuar nga uniformat blu.

NJOFTIMI ZYRTAR I POLICISE

Kukës

Plagosi me armë zjarri një shtetas dhe u largua, falë reagimit të shpejtë të Policisë, pas disa minutash ndjekjeje, kapet dhe vihet në pranga autori i dyshuar.

Sekuestrohet në cilësinë e provës materiale arma e zjarrit me të cilën autori dyshohet se kreu plagosjen.

Më datë 24.04.2022, rreth orës 15:42, në fshatin Shtiqen, shtetasi Buli Murtati, 56 vjeç, pas një konflikti të çastit për motive pronësie, ka plagosur me armë zjarri pistoletë, shtetasin Festim Axhami 46 vjeç, banues në fshatin Shtiqen dhe më pas është larguar me automjet.

Menjëherë, shërbimet e Komisariatit të Policisë Kukës kanë shkuar në vendngjarje dhe falë reagimit në kohë dhe punës së mirorganizuar, bënë të mundur kapjen e autorit të dyshuar të ngjarjes, shtetasin E. M., 56 vjeç, banues në fshatin Shtiqen.

Policia ka sekuestruar në cilësinë e provës materiale armën e zjarrit tip pistoletë, që dyshohet se ka përdorur autori.

I plagosuri shtetasi F. A., ndodhet në spitalin e Kukësit, jashtë rrezikut për jetën.