LIGJET E BIZNESIT
Kryetari i grupit parlamentar të Partisë Socialiste Taulant Balla ka mbajtur sot një konferencë me gazetarët.
Ai u pyet për Presidentin e ri që do ti zërë vendin Ilir Metës.
Balla është shprehur se në negociatat për presidentin e ri nuk do të bëhen me Sali Berishës, por Enkelejd Alibeaj si kryetar i PD-së.
“Konsultimet me grupet parlamentare të opozitës, dhe do i propozonim këtu grupeve në një takim të martën pasdite, Alibeaj si kryetar i PD, Mesila Doda dhe Fatmira Mediun”, tha Balla.
“Seanca e parë të zhvillohet me datë 4 maj. Koha nuk është e pafundme. Procesi i konsultimeve të mbyllej brenda datës 29 prill. Tre raundet e para kërkojnë konsultime”, u7 shpreh në fjalën e tij Balla.
Emrat e kandidatëve për president të vendit do të bëhen shumë shpejt publik. Nesër Partia Socialiste do të mbledhë grupin parlamentar, ku deputetët do të propozojnë tre emra për kandidatë për presidentë. Kryetari i grupit Parlamentar të PS-së, Taulant Balla ka ftuar për konsultime për zgjedhjen e presidentit të ri të vendit edhe publikun, ku i është kërkuar që të propozojnë një emër që ato duan dhe ta dërgojnë në adresën e email [email protected]. Konsultime do të zhvillohen edhe me shoqërinë civile. Balla ka përjashtuar konsultimet me Sali Berishën, ndërsa ka pohuar se do t’i zhvillojnë me Alibeajn.
‘Nesër do të marrim propozimet e para me emrat konkret nga anëtarët e PS-së. Në një zarf çdo deputet i grupit të PS përmes një formulari propozues do të ketë mundësinë që të propozojë jo më shumë se 3 kandidatë, qofshin zonja apo zotërinj. Ky duhet të jetë një proces konsultimi brenda për brenda grupit parlamentar. Nesër do ti depozitojmë në sekretari, ku do të vlerësohen të gjithë emrat. Në duam të nxisim edhe publikun që do të bëhet pjesë e këtij procesi, ku mund të shkruajnë në adresën tonë të emailit, që të sjellin propozimet e tyre. E ftuar do të jetë edhe shoqëria civile’- u shpreh Balla.
