Kjo e shtunë është planifikuar nga Komisioni i Rithemelimit për të mbajtur Kuvendin Kombëtar të Partisë Demokratike. Mbledhja e rendësishme do të nisë në orën 10:00 dhe pritet të marrin pjesë 1100 delegatë të zgjedhur nga degët e PD në të gjithë Shqipërinë. Numri pritet total i pjesëmarrësve pritet të jetë 1800 pasi pritet të jenë edhe anëtarët aktualë të Këshillit Kombëtar, delegatet e rinisë dhe gruas.
Si një nga pikat kryesore, Kuvendi Kombëtar do të zgjedhë sot edhe Këshillin e ri Kombëtar të PD-së. Drejtoresha e Komunikimit, Floriana Garo tha se deputetët dhe kryetarët e rinj të degëve do të jenë anëtarë të Këshillit Kombëtar për shkak të posteve që kanë.
RENDI I DITËS
Do të ketë 20 folës, prej të cilëve figura të rikthyer në PD, themelues, personalitete nga jashtë dhe të rinj. Parashikohet që votimi për anëtarët e rinj të Këshillit Kombëtar të nisë në orën 13:00. Kuvendi do të propozojë ndryshime statutore dhe do të votojë për Këshillin e ri Kombëtar.
Komisioni i Rithemelimit ka ftuar deputetët e Partisë Demokratike të marrin pjesë ditën e nesërme në Kuvendin e 30 prillit. Ne një mesazh dërguar të gjithë ligjvënësve demokratë, u kërkohet që si delegatë të konfirmojnë edhe prezencën e tyre dhe t’i bashkohen Kuvendit për një Parti Demokratike më të bashkuar, më të fortë dhe më të hapur.
