LIGJET E BIZNESIT
Kim Kardashian thotë se e lan flokun një herë në 5 ditë, por jo të gjithë kemi nga mbrapa një skuadër makeup-i dhe trajtimi për flokët dhe jo në çdo rast mund të durojmë 5 ditë për flokë të lara…
Duhet të dini që flokët bëhen me yndyrë për të njëjtën arsye si edhe fytyra juaj. Gjëndrat në lëkurën e kokës prodhojnë një substancë vajore të quajtur sebum. Sebumi është ai që zbut flokët dhe i mbron ata nga tharja. Gjëndrat që e prodhojnë atë janë të vendosura pranë rrënjëve të flokëve në shtresën e lëkurës të quajtur dermis. Kanalet nga këto gjëndra të çojnë në gjëndrën e flokëve – kjo është mënyra se si sebumi del nga lëkura dhe shkon drejt skalpit të kokës.
Ideja është se secili prej nesh prodhon sasi të ndryshme sebumi. Gjenetika apo edhe hormonet ndikojnë në sasinë e prodhuar të tij në një kohë të caktuar.
Sa shpesh është më e përshtatshme?
Përgjigja ndryshon për gjithsecilin, por askush nuk duhet t’i lajë flokët çdo ditë sepse kjo më tepër i bën dëm atyre sesa mirë. Njerëzit që i lajnë flokët shumë shpesh për të larguar yndyrën, në fakt i bëjnë ata më të yndyrshëm duke tharë pjesën e skalpit. Përvec shmangies për t’i larë çdo ditë, gjithashtu duhet të keni ndërmend disa gjëra për të identifikuar numrin e përshtatshëm të larjes. Këta janë faktorët kryesorë:
-Tipi i lëkurës
Nëse lëkura dhe flokët tuaj janë as shumë të yndyrshëm dhe as shumë të thatë, atëherë ju duhet t’i lani flokët një ose dy herë në javë. Nëse keni skalp shumë të yndyrshëm atëherë duhet t’i lani pak më shpesh se aq.
– Struktura e flokut
Struktura ndikon në shpejtësinë që sebumi kalon nga rrënja drejt gjatësisë. Floku i ashpër apo kaçurrel e ngadalëson shpërndarjen e sebumit prandaj nëse keni flokë të tillë mund t’i lani ata vetëm një herë në javë. Kurse personat me flokë të hollë e të drejtë është më mirë t’i lajnë dy herë në javë apo edhe më shpesh.
– Stilimi
Një faktor tjetër që duhet marrë parasysh është edhe stilimi apo mënyra si e trajtoni flokun. Nëse floku juaj dëmtohet vazhdimisht nga stilimi që ju i bëni (pjasteri, krehja, masha etj) atëherë duhet ta lani më rrallë. Mos kini frikë t’i lini dy ditë pa i larë me shampo dhe shihni se si floku juaj do të reagojë ndaj ndryshimit.anabel
