Shmanget tragjedia në Mamurras, treni përplaset me trajlerin

Prej më shumë se dy vitesh trenat nuk ishin në funksion në një pjesë të zonës veriore, ndërsa këtë të shtunë nisën punën. Sot u vu në funksion treni Vorë-Shkodër.

Por, menjëherë pas fillimit të punës, në afërsi të mbikalimit në Fushë-Mamurras treni u përfshi në një aksident me një trajler.

Nga mungesa e postbllokut apo rojeve hekurudhore, një trajler teksa po kalonte është goditur nga treni.

Deri më sot treni bënte linjën Shkodër-Laç, ndërsa duke filluar nga data 30 prill kalonte dhe në Mamurras duke shkuar deri në Vorë.

Për fat të mirë, nga aksidenti nuk ka persona të plagosur. Në videon që ilustrohet në vijim mund të shikoni pamje nga aksidenti.