Shkrumbohet totalisht nga zjarri një godinë biznesi në Ish-Bllok

Në zonën e ish-Bllokut në Tiranë është konstatuar një vatër zjarri. Bëhet e ditur se në këtë zonë, një biznes është përfshirë nga flakët në orët e para të mëngjesit të sotëm. Nga informacionet paraprake të policisë, bëhet e ditur se zjarri ka rënë në ambientet e katit të dytë. Si pasojë e flakëve ka vetëm dëme materiale, ndërsa nuk dihet ende profili i biznesit, pronari i tij dhe arsyeja.

Njoftimi i policisë:

Më datë 25.04.2022, në rrugën “Pjetër Bogdani”, gjatë orëve të para të mëngjesit, ka rënë zjarr në katin e dytë të një biznesi, dhe si pasojë ka vetëm dëme materiale.

Grupi hetimor po punon për përcaktimin e shkaqeve të rënies së zjarrit.