Shifrat nga pandemia/ Ministria e Shëndetësisë jep informacion: Ja sa humbje jete dhe të infektuar ka

Në 24 orët e fundit nuk ka patur asnjë humbje jete nga C OVID19.

Nga informacionet që Ministria e Shëndetësisë ka bërë me dije, thuhet se 42 qytetarë kanë rezultuar pozitivë nga 1228 testime të kryera, ndërsa janë shëruar 18 pacientë.

Tirana vazhdon të kryesojë me numrin me te larte te rasteve, 222 te tille, e ndjekur nga Vlora me 39 raste dhe Berati 22.

Ministria e Shëndetësisë i bën apel qytetarëve të vaksinohen sa më parë, për të mbrojtur veten dhe shëndetin e të tjerëve.

“Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet.

Çdo qytetar mbi 12 vjeç, mund të vaksinohet në qendrën shëndetësore ose në pikën më të afërt të vaksinimit të përqëndruar.

MSHMS apelon të gjithë qytetarët e vaksinuar me dy doza, të drejtohen në qendrat shëndetësore ose pikat e vaksinimit të përqëndruar, për t’u vaksinuar me dozën e tretë përforcuese”, thuhet ne njoftimin e ministrise.

SITUATA NE 24 ORE

Nëse dyshoni se jeni të prekur nga COVID19 apo keni shenja të sëmundjes, izolohuni menjëherë dhe kontaktoni me mjekun tuaj të familjes për t’u testuar sa më parë ose telefononi Urgjencën Kombëtare në numrin unik 127.

Ju informojmë për situatën në 24 orët e fundit, si vijon: Janë kryer 1,228 testime, nga të cilat kanë rezultuar pozitivë me COVID19, 42 qytetarë, në këto bashki: 21 në Tiranë, 4 në Fier, 3 në Vlorë, Përmet, 2 në Rroskovec, 1 në Kukës, Durrës, Kamëz, Himarë, Delvinë, Sarandë, Gjirokastër, Tepelenë, Pogradec.

Janë 382 pacientë aktivë me COVID-19 në të gjithë vendin.

Aktualisht në spitalin COVID3 po marrin trajtim 8 pacientë. Në 24 orët e fundit nuk ka asnjë humbje jete me Sars-Cov2.

Janë shëruar 18 qytetarë gjatë 24 orëve të fundit, duke e çuar numrin e të shëruarve në 270,626 që nga fillimi i epidemisë.

Statistika (17 Prill 2022)

Raste të reja ditore          42
Të shëruar në 24 orë       18
Të shtruar në spitale         8
Humbje jete në 24 orë      0
Testime ditore                 1,228

Testime totale               1,793,209
Raste pozitive                  274,504
Raste të shëruara            270,626
Raste Aktive                         382
Humbje jete                        3,496

Shpërndarja gjeografike e rasteve aktive sipas qarqeve:

Tiranë           222
Vlorë               39
Berat               22
Fier                  24
Shkodër          17
Gjirokastër     17
Korçë              16
Elbasan          14
Durrës              8
Kukës               3