LIGJET E BIZNESIT
Policia e Tiranës ka vënë në pranga pronarin e ndërtesës në Kashar, ku humbi jetën një ditë më parë, një punëtor 58-vjeçar.
Sipas njoftimit të uniformave blu të kryeqytetit, mësohet se janë shpallur në kërkim dy shtetas për “Ndërtimi i paligjshëm” dhe “Shkelja e rregullave të mbrojtjes në punë”, “Fshehja e të ardhurave”, “Punësimi i paligjshëm”.
Njoftimi i plotë i policisë:
Policia njofton se F. N., rreth 57 vjeç aksidentalisht ka rënë nga lartësia e objektit ku po punonte e për pasojë ka ndërruar jetë. Specialistët për Hetimin e Krimeve në Komisariatin e Policisë Nr. 6 bënë arrestimin në flagrancë të shtetasit R. B., 33 vjeç, banues në Tiranë, për veprat penale “Ndërtimi i paligjshëm” dhe “Shkelja e rregullave të mbrojtjes në punë”. Gjithashtu bënë shpalljen në kërkim të shtetasve:
– B. B., 64 vjeç, për veprat penale “Ndërtimi i paligjshëm” dhe “Shkelja e rregullave të mbrojtjes në punë”;
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
– A. A., 62 vjeç, administrator i një firme ndërtimi dhe L. A., 29 vjeç, me detyrë drejtues teknik, të dy banues në Lushnjë, për veprat penale “Fshehja e të ardhurave”, “Punësimi i paligjshëm”, “Ndërtimi i paligjshëm” dhe “Shkelja e rregullave të mbrojtjes në punë”, pasi:
Më datë 15.04.2022, në Kashar, duke punuar në objektin në pronësi shtetasve R. B. dhe B. B., në të cilin po kryheshin ndërtime pa leje, për shkak të shkeljes së rregullave të sigurisë në punë, ka rënë nga lartësia dhe si pasojë ka ndërruar jetë shtetasi F. N., 58 vjeç, i punësuar në mënyrë të paligjshme nga shtetasit A. A. dhe L. A., të cilët fshihnin të ardhurat nga kjo veprimtari.
