Policia e Shtetit në bashkëpunim me OSHEE kanë ushtruar kontrolle që prej mëngjesit të sotëm në Tiranë për evidentimin e aktivitetit të paligjshëm të kultivimit të kanabisit.
Sipas burimeve, në periferi të kryeqytetit është konstatuar një shtëpi bari ku janë sekuestruar disa bimë narkotike. Policia zyrtarisht nuk jep detaje pasi operacioni është ende në vijim.
Ky është rasti i dytë i zbulimit të kultivimit të kanabisit në ambiente të mbyllura, pas zbulimit të asaj në Tropojë paraditen e sotme, ku pronari i saj është shpallur në kërkim.
Sipas burimeve bëhet fjalë për një shtëpi private në zonë e Kasharit.
NJOFTIMI ZYRTAR I POLICISE
Tiranë/Informacion paraprak.
Në zonën e “Kashar 2”, shërbimet e Komisariatit të Policisë nr 6 në Tiranë bazuar në informacionet e siguruara në rrugë operative, kanë organizuar një operacion policor, si rezultat i të cilit kanë zbuluar një ambient që ishte përshtatur për kultivim të bimëve narkotike, me anë të llambave.
Janë shoqëruar në Komisariatin e Policisë Nr.6 disa persona.
Vijojnë veprimet nga Komisariati i Policisë Nr.6.
Në përfundim do tju jap info të plotë
Në përfundim të këtij operacioni do t’u japim infomacion të plotë.
