“Për herë të parë po e dëgjoj” A do e linte KQZ për tu bërë president? Ja përgjigja e Ilirjan Celibashit

Kreu i Komisionit Qendror të Zgjedhjeve Ilirjan Celibashi ka deklaruar sot se nuk është në ambiciet e tij posti i Presidentit.

Duke folur për dy votimet  e 25 Prillit dhe 6 Marsit në një konferencë për shtyp, ai u pyet edhe për procesin që do të nisë së shpejti nga Parlamenti për Kreun e Ri të Shtetit.

“E dëgjoj për herë të parë, por e di që gjithkush mund të përkedhelej nga kjo gjë. Unë nuk ndihem fare i përkëdhelur dhe nuk është ambicia ime. Me thënë të drejtën nuk e konsideroj serioze këtë gjë në raport me propozimin. Për herë të parë po e dëgjoj”, u shpreh Celibashi.

Kuvendi do të nisë sot konsultimet paraprake për të zgjedhur Presidentin e ri të vendit. Grupi parlamentar i PS-së, ka thirrur në një tryezë tre grupet parlamentare të opozitës.