Mosmarrëveshjet mes banorëve të “Big Brother VIP” vazhdojnë edhe pas spektaklit.
Këngëtarja e njohur Fifi ka treguar së fundmi se aktorja Arjola Demiri i ka bërë bllok në rrjetet sociale.
Teksa Monika Lubonja ishte e ftuar sot në emisionin “Dielli dhe hëna”, telefonoi Fifin për një rreng, ndërsa në fund të telefonatës, Fifi i tha Monikës se kishte njerëz të padëshiruar në ditëlindjen e kësaj të fundit.
E pyetur nga moderatorja Nevina Shtylla se cilët ishin njerëzit e padëshirueshëm në festë, ajo tha emrin e Arjola Demirit me arsyetimin se i ka bërë bllok.
Biseda në studio:
Fifi: Kishte njerëz të padëshirueshëm në ditëlindjen tënde
Monika: Kush ishte
Nevina: Po na e the emrin, Monika ka 20 pikë plus në lojë
Fifi: Një njëri që ma ka bo bllok është Arjola kshuqë…
Mesa duket, dy ish-konkurrentet e Big Brother Vip Albania 1 nuk i kanë sheshuar hatërmbetjet, që pas daljes së Fifit nga spektakli. Ajo e akuzoi Arjolën se nuk e kishte mbështetur, pavarësisht se aktorja qau kur Fifi doli nga shtëpia.
