Në konferencë me Varhelyin/ Rama i bindur: E informova për ndarjen e Shqipërisë nga Maqedonia e Veriut

Ka nisur konferenca e përbashkët për shtyp mes kryeministrit Edi Rama dhe Komisionerit të Bashkimit Europian për Zgjerimin dhe Fqinjësinë e Mirë, Oliver Varhelyi.

Rama foli lidhur me integrimin e Shqipërisë dhe Maqedonisë së Veriut në Bashkimin Europian.

Ai bëri të ditur se i ka komunikuar komisionerit se nëse negociatat nuk hapen në mbledhjen e radhës të Këshillit Europian, Shqipëria do të kërkojë ndarjen nga Maqedonia e Veriut pasi është diçka që e e kërkojnë qytetarët shqiptarë.

“Folëm për mbledhjen e Këshillit Europian, ku do të diskutohet çështja e hapjes së rrugës ose jo për konferencën e parë ndërqeveritare. Siç e dini të gjithë kjo nuk është një çështje çfarë kemi bërë apo nuk kemi bërë ne, apo ndonjë rezerve të KiE, por lidhet me ngërçin e krijuar nga vetoja e Bullgarisë ndaj Maqedonisë së Veriut.

Ne jemi në një kurs që e ka përcaktuar pozicionin tonë si një pozicion konstruktiv dhe në konformimit me pozicionin e Këshillit për mos ndarjen e Shqipërisë nga Maqedoninë e Veriut. Ne e kemi kryer një këshillim me qytetarët shqiptarë dhe janë pyetur nëse Shqipëria të ndryshojë kursin dhe të kërkojë ndarjen nga Maqedonia e Veriut.

Kjo mbetet për tu aktivizuar pas mbledhjes së Këshillit Europian dhe ne jemi në pozicionin që të dyja vende të hapin negociatat“-tha Rama.