Munguan 60% e deputetëve/ Sali Berisha: Treni ynë shpëtimtar nuk ndalet

Pas votimit në Kuvendin e PD për zgjedhjen e anëtarëve të Këshillit, Ish-kryeministri Sali Berisha ka deklaruar se ky ishte Kuvendi i bashkimit të bazës, qëllimit kryesor të tij.

“Të garantoj se ky Kuvendi ishte i bashkimit, sot në sallë ishin me qindra delegatë, aty në atë listë ka dhjetëra të propozuar për anëtar të Këshillit nga ato demokratët që para 6 marsit qëndruan në pozicion tjetër. Detyra ime është bashkimi i bazës dhe ju i shihni xhirot e ish-kryetarit, për të kuptuar që dëshmojnë se sa e bashkuar është sot PD në bazë.

Një pjesë e mirë e deputetëve ishin, një pjesë tjetër nuk ishin, dy gjëra për ato, ky tren s’mund të ndalet kurrë, treni i PD të Rithemeluar është treni shpëtimtar i Shqipërisë… S’ka më kohë të shpenzohet me problemet e brendshme, cili do që do t’i bashkohet trenit është i mirëpritur”, tha Berisha