LIGJET E BIZNESIT
Ministri i Jashtëm i Ukrainës, Dmytro Kuleba ka deklaruar se Rusia dhe Ukraina nuk kanë pasur asnjë komunikim diplomatik kohët e fundit.
Në një intervistë për CBS News, Kuleba tha se “Mariupoli mund të jetë vija e kuqe” për bisedimet e paqes pasi situata atje është e tmerrshme.
Garancia e Rusisë se do të kursejë jetën e ushtarëve ukrainas që dorëzohen dhe hedhin armët, është parë me dyshim të madh nga Ukraina.
Më herët, kryeministri Denys Shmyhal tha se ushtarët ukrainas kanë mbetur në qytetin e rrethuar të Mariupolit dhe se ata do të luftojnë deri në fund. Nga ana tjetër, Kremlini ka thënë se forcat e tij e kishin pushtuar pothuajse plotësisht qytetin.
