Karabinierët e urdhërojnë të ndalojë, shqiptari nuk i bindet

Karabinierët arrestuan pasi e ndoqën disa kilometra me makinë një shqiptar rreth moshës 50 vjeç në Spezzano. Pas arrestimit, policia kreu po ashtu edhe kërkime në makinën e tij duke gjetur një pistoletë si edhe fishekë.

Mediat italiane shkruajnë se ngjarja ka ndodhur në datën 24 prill, por është bërë publike vetëm tani nga Karabinerët, të cilët deklaruan se iu desh ta ndiqnin shqiptarin nëpër rrugë me makinë pasi nuk iu bind urdhrit të tyre për të ndaluar në një postbllok rutinë.

Teksa po kryenin një patrullim krejt normal, ata vunë re një makinë të madhe që po kalonte aty duke i bërë me shenjë që të ndalonte. Por, në vend që t’i bindej urdhrit, shqiptari i dha gaz duke vijuar më tej me udhëtimin.

Pas ndjekjes Karabinerët bënë të mundur arrestimin e tij duke i gjetur edhe pistoletën.