Shumë njerëz në verilindje të Francës kanë investuar besim te Marine Le Pen, kandidatja e ekstremit të djathtë për president.
Ajo është deputete në zonë që prej vitit 2017 dhe bastioni i saj është Henin-Beaumont.
Në këtë komunitet njerëzit po luftojnë të mbushin makinat e tyre me karburant dhe të ushqejnë fëmijët. Kriza e kostos së jetesës në Francë është ndjerë shumë.
“Ushqimi dhe karburantet janë shumë të shtrenjta. Gjithçka po rritet përveç pagave. Marine Le Pen do ta bëjë jetën më të lehtë”, thonë Yannick dhe Laura, të cilët kanë katër fëmijë.
Një grup të rinjsh që dikur të punësuar si mekanikë i thanë BBC-së se nuk mund të gjenin më punë. Ata besojnë se emigrantët po marrin më shumë përfitime se sa vendasit.
Votuesit e tjerë janë të shqetësuar nga pikëpamjet e Le Pen për imigracionin, por me premtimet për një rritje të pagës minimale, ulje të moshës së pensionit, një rënie të përhershme të TVSH-së për energjinë dhe 100 artikuj të tjerë thelbësorë dhe një sërë stimujsh financiarë, disa njerëz e shohin atë si ndryshim përkundër Macronit.
Pesë gjëra për Marine Le Pen
Familja e saj ka qenë sinonim i ekstremit të djathtë në Francë për dekada.
Përpara politikës, ajo u trajnua si avokate dhe mbrojti emigrantët e paligjshëm që përballeshin me deportim.
Një lojtare politike në Francë prej vitesh, mesazhi i saj kundër imigracionit ka mbetur konsistent, por ajo ka hequr dorë nga plani i saj për t’u larguar nga BE.
Vitet e fundit, ajo është përpjekur të zbusë imazhin e partisë së saj dhe ta bëjë mesazhin e saj më të përhapur.
Kjo është oferta e saj e trete presidenciale, dhe ndoshta e fundit sipas saj, nëse e humbet garën.
