Iliri Shaqiri gati të bëhet pjesë e Big Brother në Itali

Ilir Shaqiri ishte i ftuari i radhës në emisionin “A Show” dhe ka pohuar se po mendon që të bëhet pjesë e Grande Fratello.

Balerini i njohur zbuloi se është në bisedime për t’u bërë pjesë e tij, mirëpo ende nuk e ka marrë vendimin. “Grande Fratello nuk e kam ndjekur shumë. Njoh shumë artistë që kanë qenë pjesë e tij. Unë sot isha duke folur për të marrë pjesë.

Nuk është një ide që më çmend nga gëzimi sepse atë që doja e arrita. Të bashkëjetosh katër muaj me bashkëkombësit e tu dhe ta bësh këtë gjë me njerëz që nuk janë shqiptarë janë dinamika të ndryshme”, u shpreh balerini dhe njëkohësisht fituesi i “Big Brother Albania VIP”.

Në vijim pritet që Iliri të tregojë më shumë lidhur me këtë çështje.