LIGJET E BIZNESIT
Prokuroria e Tiranës kërkon masën e sigurisë ‘arrest me burg’ për Qerim Krasniqin i cili dyshohet për veprën penale të mashtrimit.
Vitin e kaluar ai është njohur me Marjana C., pronare e një hoteli të vogël ku kishte qëndruar aty si klient. Me atë ka krijuar një marrëdhënie mjaft të ngushtë dhe i ka kërkuar para.
Gruaja i ka dhënë si fillim 50 mijë euro, pastaj 20 , derisa sipas saj në total janë bërë 135 mijë euro. Marjana shprehet se paratë i ka pasur në bankë pasi kishte shitur një shtëpi.
Ajo i ka kërkuar paratë, por ai nxirrte justifikime nga më të ndryshmet, “jam me Covid”, “jam me oskigjeno- terapi”, “mi ka bllokuar banka”, etj.
Në shtator të vitit 2021, Qerimi ka ndërprerë kontaktet me gruan Marjana C., atëherë ajo ka bërë denoncim. Pas disa përpjekjesh i ka rivënë kontaktet ne përpjekje për të marrë paratë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Në janar të vitit 2022 ai s’ka pasur më asnjë lidhje apo komunikim me gruan. Prokuroria e ka shpallur në kërkim dhe ai është ndaluar teksa u paraqit në kufi.
Para hetuesve Qerimi ka deklaruar që Marjanës i ka marre shumën prej 80 mijë eurosh të cilën e ka investuar në kriptomonedha, por e ka humbur.
Ai flet për një shtetas nga Maqedonia e Veriut, por tregon vetëm emrin, jo të dhëna që të mund të identifikohet lehtë.
Sakaq në orën 10:00, 30-vjeçari del para gjykatës për masë sigurie.
“Specialistët e Seksionit për Hetimin e Krimit Ekonomik dhe Financiar në DVP Tiranë, në bashkëpunim me Prokurorinë pranë Gjykatës së Shkallës së Parë Tiranë, në vijim të punës për goditjen e paligjshmërisë, pas një pune të mirëfilltë hetimore disamujore, nisur prej vitit 2021, organizuan dhe finalizuan me sukses operacionin policor të koduar ‘Mysafiri’. Në kuadër të këtij operacioni u bë ndalimi me iniciativë i shtetasit Krasniqi 30 vjeç, banues në Kamenicë, Kosovë, për veprën penale ‘Mashtrimi’”, njoftoi policia pas arrestimit të 30-vjeçarit nga Kosova ditën e djeshme (të dielën).
