Hiqet certifikata e vaksinimit anti- COVID19 si kusht për të gjithë ata që duan të hyjnë në Greqi.
Vendimi është marrë nga Komisioni i Ekspertëve të Shëndetësisë dhe hyn në fuqi duke filluar nga 1 maji.
Ministri i Shëndetësisë, Thanos Plevris, në një deklaratë për mediat ka bërë me dije se përdorimi i maskave në ambientet e mbyllura është një masë që do të vijojë që të ngelet në fuqi gjatë muajit maj, mbase mund të këtë ndryshim në muajt në vijim.
“Nuk e dimë kur do të hiqet maska, ajo do të mbahet në ambientet e mbyllura, sepse maska është një masë e butë. Ajo që po themi është që të paktën për muajin maj të ketë maskë dhe prej andej e më tej, në bazë të imazhit shëndetësor të vendit, do të vendoset se çfarë do të ndodhë nga qershori”, theksoi ai.
