Gripi i shpendëve/ I burgosuri bëhet rasti i parë që rezulton pozitiv me H5N1

Një i burgosur në Kolorado ka rezultuar që të jetë pozitiv me gripin e shpendëve. Mediat e huaja shkruajnë se, ky është rasti i parë në Shtetet e Bashkuara të Amerikës që nga fillimi i shpërthimit të virusit.

Rreziku për publikun është tepër i ulët, sipas zyrtarëve shtetërorë të shëndetësisë, sepse është mjaft e rrallë të transmetohet nga njeriu tek njeriu gripi i shpendëve H5N1.

Sakaq, Departamenti i Shëndetit Publik dhe Mjedisit në Kolorado u shpreh se i burgosuri mund të ketë rënë në kontakt me pula të infektuara në një fermë shpendësh kur ka bërë punë krahu.

Gripi i shpendëve nuk transmetohet lehtë midis shpendëve dhe njerëzve, mirëpo mund të transmetohet në qoftë se ka “kontakt të zgjatur”.

Deri më tani, asnjë rast tjetër nuk është konfirmuar tek njerëzit.