Një ngjarje e rëndë ka ndodhur mbrëmjen e sotme, ku një person është ekzekutuar në rrugën dytësore Tiranë-Durrës.
Ndaj mjetit të një 35-vjeçari është qëlluar disa herë me armë, e si pasojë ai nuk ka mundur dot t’i shpëtojë plagëve të marra, ndërkohë dyshohet edhe për një person të plagosur.
Fillimisht policia ka dyshuar per aksident pasi mjeti është gjetur i ndaluar jashtë rruge pasi ka humbur drejtimin por pranë vendngjarjes janë gjetur gëzhoja.
Tiranë/Informacion paraprak
Më datë 03.04.2022, në autostradën Tiranë-Durrës, përballë DHL-së, në rrethana ende të paqarta, është qëlluar me armë zjarri drejt një automjeti tip “Land Rover” dhe si pasojë ka ndërruar jetë drejtuesi i mjetit, ende i paidentifikuar.
Shërbimet e Policisë kanë shkuar menjëherë në vendngjarje dhe po vijojnë krehjen e zonës me qëllim kapjen e autorit/ëve.
Në bashkëpunim me DVP Durrës, Elbasan e Lezhë janë ngritur menjëherë pika kontrolli në rrugët interurbane.
Grupi hetimor po punon për sqarimin e plotë të rrethanave të ngjarjes dhe për fiksimin e çdo prove të vlefshme që mund të çojë në identifikimin e autorëve.
