LIGJET E BIZNESIT
Rasti i arrestimit të ish-ministres së Turizmit të Rumanisë, Elena Undrea, që ndodhet në paraburgim nga autoritetet bullgare teksa tentoi të kalonte në Greqi të enjten e kaluar, po kthehet në një thriller, teksa dënohet me 6 vite burg për korrupsion.
Dyshohet se Undrea ka tentuar të kalojë Greqinë në përmes kufirit greko-bullgar Promachonas-Koulata në mëngjesin e ditës së enjte, menjëherë pas vendimit përfundimtar të një gjykate rumune që e dënoi me 6 vjet burg për ryshfet, përvetësim si dhe shpërdorim detyre.
Një çështje e cila ka qenë në pritje që nga viti 2018, por për herë të parë u bë publike në vitin 2011 pas një hetimi gazetaresk të kryer kur Elena Undrea ishte ministre. Kjo është dosja e famshme “Gala Bute” që kishte bërë bujë të madhe në Rumani. Ish-ministrja u ndalua në kufirin greko-bullgar nga policia bullgare, që e ndaloi në Petritsi dhe më pas e transferoi në qendrën e paraburgimit në Blagoevgrad.
Avokati, Tudorel Toader, një ish-ministre e drejtësisë në Rumani nga viti 2017 në 2019, kishte bërë një apel duke kërkuar anulimin e dënimit të saj të mëhershëm në 2018. Fakti që Undrea u përpoq që të shmangte vuajtjen e dënimit duke u arratisur në Bullgari nuk dënohet sipas ligjit rumun, pasi më parë nuk i ishte ndaluar të largohej nga vendi. Undrea ishte Ministër i Turizmit nga viti 2008 deri në 2009 dhe Ministër i Zhvillimit Rajonal dhe Turizmit nga 2009 deri në 2012.
