Aloe Vera në shtëpi? Ja disa arsye përse duhet ta mbani

Të gjithë e dimë që Aloe Vera është e njohur nga egjiptianët si bima e pavdekësisë. Ajo ka një sërë cilësish shëruese.

Aloe Vera përmban më shumë se 200 përbërës biologjikisht aktivë, të cilat përfshijnë polisakaridet, vitaminat, enzimat, aminoacidet, si dhe minerale që nxisin përthithjen e ushqyesve.

Në qoftë se nuk e keni ende një lule Aloe Vera në shtëpitë tuaj, ju sugjerojmë që ta mbillnit, pasi përdorimi i saj do ndryshojë krejtësisht pamjen tuaj, nëse keni probleme me fytyrën si dhe organizmin tuaj. Mund të përdoret po ashtu dhe për emergjenca si gërvishtjet, prerjet apo dhe plagët.

Vitamina
Aloe Vera përmban vitaminë B12, e cila kërkohet për prodhimin e qelizave të kuqe të gjakut. Ky është lajm i mirë për vegjetarianët, që shpesh nuk marrin sasinë e duhur të B12 përmes dietës së tyre të rregullt.

Të marrësh Aloe, mund të ndihmosh në disponueshmërinë biologjike të vitaminës B12, që do të thotë se trupi mund ta përthithë dhe përdorë më lehtë. Kjo mund të parandalojë mangësinë e kësaj vitamine. Aloe Vera është burim i vitaminave A, C, E, acidit folik, kolinës, B1, B2, B3 dhe B6.

Aminoacide
Aloe vera përmban 20 nga 22 aminoacidet thelbësore që kërkohen nga trupi ynë. Ajo përmban po ashtu acid salicilik, që lufton inflamacionet dhe bakteret.

Minerale
Aloe vera ka minerale të shumta, duke përfshirë kalciumin, magnezin, zinkun, kromin, selenin, natriumin, hekurin, kaliumin, bakrin dhe manganin. Këta minerale bashkëpunojnë për të forcuar rrugët metabolike.