2 klientë shkatërrojnë restorantin në Greqi, shkak çertefikata e vaksinimit

2 çifte kanë shkaktuar panik në një restorant të njohur në Selanik dhe kanë kërcënuar punonjësit duke i thënë “Është dita juaj e fundit.”
Trazirat u shkaktuan ditën e dielë, 17 prill dhe shkak për këtë u bë certifikata e vaksinimit.

Ishte ora rreth 09:30 e mëngjesit kur çiftet shkuan në një restorant që shquhet për petulla në rrugën Olympou. Zënka filloi kur punonjësit e dyqanit kërkuan që të kontrollonin certifikatat e vaksinimit. Dy nga 4 personat nuk kishin një certifikatë vaksinimi dhe më pas u informuan se nuk mund të uleshin.

Më pas 2 personat kanë reaguar duke i fyer rëndë punonjësit. Pas disa minutash, filluan të kthenin tavolinat përmbys brenda dhe jashtë restorantit. Ata kërcënuan punonjësit që kërkonin të kontrollonin certifikatat, duke u thënë se “është dita e tyre e fundit ”.
“Do të shkoj sot për të bërë padi dhe materialin nga kamerat do t’ua japim autoriteteve . Le ta dinë se nuk kemi frikë nga diçka dhe do të lëvizim ligjërisht” , shprehet pronari i lokalit, Dimitris Tsarouchas.

“Nuk i lamë të ulen pa certifikata dhe filluan të na kërcënojnë.”

“Na pyetën nëse kishim mbrojtje në dyqan dhe na thanë të kishim frikë kur të ecim në rrugë se do të na gjejnë”, tha ai për kërcënimet e marra.

Sikurse shihet edhe në video, punonjësit kanë reaguar me qetësi duke u përpjekur që të largojnë klientët.