Përfundon procesi i numërimit në bashkinë e Dibrës në 100 kuti nga 101 në total.
Sipas informacioneve kutia e fundit nuk është numëruar pasi ka qenë e thyer.
Duke u nisur nga rezultati deri më tani, kandidati i Partisë Socialiste, Rahim Spahiu fiton bindshëm me 13.995 vota duke lënë pas kandidatin e “Shtëpisë së Lirisë”, Premtim Kryemadhin me 4.478 vota.
Në vendin e tretë është renditur kandidati i PD-së, Luan Haka i cili numëron 4.437 vota. Duke u nisur nga diferenca mes vendit të parë dhe të dytë, kutia e fundit e panumëruar nuk mund të ndryshojë dot rezultatin, dhe as fitoren Rahim Spahiun.
Kandidati i Lëvizjes së Re, Dritan Torba mori 99 vota.
